Page 126 - Demo

124Lexim vepre: Portretet e mumieve në FajumPortretet e Fajumit janë një lloj i veçantë portretesh të gjetura kryesisht në krahinën e Fajumit në Egjipt përgjatë periudhës së sundimit romak. Të konsideruara edhe sot si një nga shembujt më të mirë të artit të botës antike, këto portrete kishin për qëllim identifikimin e mumies, së cilës i kushtoheshin. Ato realizoheshin në dru dhe i mbivendoseshin trupit të mumifikuar, si pjesë e traditës rituale egjiptiane për varrimin. Nga ana artistike ato janë padyshim të ndikuara nga arti greko-romak, pasi dallojnë për teknikën mbresëlënëse dhe pasqyrimin në mënyrë besnike të tipareve të personazhit. Në fakt këto portrete nuk respektojnë kanunet tradicionale të artit egjiptian, por theksojnë ngjashmërinë njerëzore të personazhit. Kanë mbijetuar rreth 900 shembuj të tillë të realizuar në dyllë apo tempera, të cilët edhe sot konsiderohen si disa nga shembujt më të mirë artistikë në gjininë e portretit. Kërkim informacioni në mënyrë individualeMozaikuRomakët shkëlqyen në artin e mozaikut, i cili përdorej kryesisht si veshje e dyshemesë, si në banesat private ashtu edhe në ndërtesat publike. Vepra të shumta të mozaikut romak kanë arritur deri në ditët tona si shembuj të shkëlqyer të kësaj teknike. Bëj një kërkim për të zbuluar larminë e subjekteve dhe të motiveve të përdorura në mozaikët romakë.Fig. 13. Portret burri nga mumiet e FaijumFig. 14. Portret gruaje nga mumiet e Faijum, shek. III Luvër, ParisFig. 15. Portret burri nga mumiet e Faijum, Muzeu mbretëror i SkocisëCilat ishin qytetërimet që ndikuan më shumë në zhvillimin e artit romak?Përshkruaj karakteristikat e arkitekturës romake dhe elementet e reja arkitektonike që u përdorën në të.Cili ishte qëllimi i skulpturës në artin romak?Përshkruaj karakteristikat e portretit romak. Verifiko njohuritë e tuaFig. 16. Mozaik romak, shek. I p.e.r..