Page 176 - Demo
P. 176
174temën që e kuptuan si një manifest i lirisë së shprehjes artistike. Shpejt ata e çuan më përpara teknikën e Manet duke realizuar tablo direkt nga natyra, me prekje të shpejta, të freskëta e duke mos respektuar më rregullat e ngurta të pikturës akademike. Për këtë ata u refuzuan nga sallonet e pikturës së kohës. Si kundërpërgjigje ata hapën një ekspozitë të veten ku paraqitën të gjithë veprat e tyre si “Salloni i të refuzuarve”. Monet, Renuar dhe Degas Tabloja e parë që i dha dhe emrin impresionistëve ishte ajo e Klod Monet (Claude Monet) (1840-1926), e njohur si “Impression-Soleil levant”. Në të ngjyra, vizatimi i çlirët dhe gjendja shpirtërore e artistit ndërthuren, duke i dhënë njëkohësisht formë gjithë rrymës artistike që po lindte. Monet pikturoi gjithë jetën në këtë formë, tablo që shpesh kapnin momentin dhe efektet e ngjyrës kur përthyhej drita. Për të tema kishte më pak rëndësi.I ngjashëm me të ishte dhe August Renuar (Auguste Renoir) (1841-1919), i cili propozoi skena nga rinia e kohës, teksa dëfreheshin. Edhe tek ai, linja kompozicionale humbet për t’u shkrirë nga efektet e ngjyrës. Renoir e pikturoi me hijeshi figurën e femrës dhe në harmoni me një peizazh të zbukuruar. Pas impresionizmit u zhvilluan dhe disa nënrryma artistike, siç ishte pointilizmi. Kjo rrymë pati si protagonist kryesor piktorët francezë Zhorzh Sera (Georges Seurat) (1859-1891) dhe Pol Sinjak (Paul Signac) (1863-1935). Të dy ata zhvilluan një teknikë të veçantë ku pika të vogla ngjyre formonin imazhin e madh. I njohur si pointilizëm, pra pikëzim, ai ofronte një ndjeshmëri të re të pikturës në ngjyrë dhe formë. Ndryshe nga këta dy pionierë të artit modern paraqitet Edgar Degas (1834-1917), personazhet e të cilit janë përzgjedhur me kujdes nga kafenetë e Parisit për melankolinë e tyre. Më pas Degas do të bëhej edhe më i famshëm për ciklin e balerinave të vogla. Fig. 5. Klod Monet, \1872Fig. 6. Klod Monet, \1916Fig. 7. Klod Monet, \1886Fig. 8.Renuar, \Galetës\Fig. 9.Edgar Degas, \buqetë me lule\1878Fig. 10. Xhorxh Sera, \ishullin Grande Jatte\
