Page 186 - Demo

184kalimin e viteve u thjeshtuan gjithnjë e më shumë, derisa u konkretizuan në zona të pastra ngjyrash që e çuan atë drejt lëvizjes së abstraksionizmit gjeometrik. Lexim vepre: Pikaso, periudha blu dhe periudha rozë (1901-1906)Pablo Pikaso përpara se të niste rrugëtimin e tij kubist u bë i njohur nga pikturat e tij realiste, por që mbizotëroheshin nga tone ngjyrash gati njëngjyrëshe (monokrome). Dy periudhat më të rëndësishme të kësaj kohe janë ato të njohura si periudha blu dhe periudha rozë. Periudha blu (1901-1904) karakterizohet nga piktura të kthjellëta të mbizotëruara nga tone blu dhe të gjelbra. Përveç përdorimit masiv të ngjyrës blu ato dallohen nga subjektet ku spikasin njerëz të shtresave të mënjanuara nga shoqëria, prostituta apo lypës. Vetë artisti për këtë seri të gjatë punimesh është shprehur se u ndikua nga humbja e mikut të tij K. Kasagemas (C. Casagemas). Pas periudhës blu, Pikaso nisi atë që njihet si periudha rozë (1904-1906), e cila u mbizotërua nga tone rozë dhe portokalli. Bashkë me ngjyrën ndryshuan dhe subjektet, të cilat ishin kryesisht artistë të rinj cirku, kërcimtarë, arlekinë, akrobatë etj. Pas kësaj ai do të niste periudhën e parë kubiste, duke revolucionarizuar kështu të gjithë artin modern të shekullit XX. Kërkim informacioni në mënyrë individualeZhvillimi artistik i Pikasos pasqyron në njëfarë mënyre zhvillimin e artit, të kulturës dhe të shoqërisë në shtatëdhjetë vitet e para të shekullit XX. Pikaso nuk identifikohet vetëm me një lëvizje artistike, ai përdor metoda të qarta kërkimore, duke ndjekur ndjeshmërinë e tij artistike. Për të kuptuar më mirë dimensionin dhe rrugën e zhvillimit të tij artistik, bëj kërkime dhe mblidh vepra të realizuara në momente të ndryshme të këtij rrugëtimi.Fig. 10. Pablo Pikaso, \gruaje Fernande Olivier\Fig. 11. Pablo Pikaso, \(periudha blu)Fig. 12. Pablo Pikaso, \1905, (periudha rozë)Skulptura kubiste u zhvillua paralelisht me pikturën kubiste. Gjatë vjeshtës së vitit 1909, Pikaso realizoi veprën “Kokë Gruaje” (Fernanda). Mbi portretin e gruas theksohen forma pozitive dhe negative. Skulptura kubiste Ashtu si dhe piktura, skulptura kubiste e gjeti rrugën e saj në krijimtarinë e Pol Sezan, duke thjeshtëzuar format në plane gjeometrike si kube, sfera, cilindra apo kone. Njësoj si piktura ajo frymëzoi rryma të tjera artistike si futurizmin e konstruktivizmin. Çfarë ishte kubizmi dhe ku lindi ai?Cilat ishin periudhat kryesore të kubizmit?Përshkruaj një nga veprat e Pikasos?Cilat ishin periudhat që i paraprinë kubizmit në karrierën e Pikasos?Verifiko njohuritë e tua