Page 83 - Demo

81Krijoni një logoVEPRIMTARI Ide për të krijuarMATERIALE: letër, laps, gomë, vizore, flamastera, rapidograf. Një logo duhet të jetë e thjeshtë, pasi është më e lehtë për t’u mbajtur mend. Një logo duhet të jetë e qëndrueshme për një kohë shumë të gjatë. Një logo duhet të jetë e përshtatshme dhe t’i shërbejë qëllimit për të cilin është krijuar.Vëzhgo logot e paraqitura dhe përpiqu të kuptosh logjikën me të cilën janë ndërtuar.Realizo një logo të tillë duke pasur parasysh elementet që e bëjnë atë të suksesshme:Hapat që duhen ndjekur për të krijuar një logo të suksesshme: Bëj një intervistë (ose pyetësor) me klientin mbi idenë e projektit. Hulumto, duke u përqendruar në historinë e biznesit dhe konkurrentët e tij. Hulumto mbi logo të ndryshme të suksesshme që përfaqësojnë biznese të ngjashme. Skico dhe projekto logon në disa variante, duke u bazuar mbi kërkimet e bëra. Reflekto dhe përzgjidh dy variantet më të mira. Paraqite te klienti punën e bërë që të marrësh dhe mendimin e tij për realizimin final.Fig. 4. Logo të njohura: Mulliri i Vjetër, Apple, Bunker Art, CBS, WWF, Woolmark