Page 98 - Demo

Zhvillimi historik i muzikës dhe stili muzikor MUZIKA DHE SHOQËRIANjë ndër festivalet, këngët e të cilit treguan një nivel të lartë artistik ishte Festivali i 11-të. Tekstet e këtyre këngëve kishin një fjalor të pasur figurativ e larmi temash, mes të cilave mbizotëronte tema e dashurisë. Pavarësisht teksteve (shumë revolucionare për kohën), ky qe ndoshta i vetmi festival shqiptar në historinë e muzikës shqiptare të periudhës komuniste që nga çdo pikëpamje, qoftë paraqitja e jashtme e festivalit, dekori, qoftë edhe veshjet e këngëtarëve e të prezantuesve, shënuan një ndryshim të dukshëm. Prezantuesit e festivalit të 11-tëKjo erë ndryshimesh të dukshme që ndihej edhe në artet e tjera, si letërsi, pikturë etj., u frenua menjëherë nga sistemi diktatorial i kohës. Goditja që mori ky festival u shoqërua me dënime të njerëzve të shquar të artit, të kulturës dhe të skenës shqiptare. Për mbarë popullin shqiptar, veçanërisht rininë, kjo ishte një periudhë ankthi e stresi. Arti shqiptar duhej të krijohej me një frymë revolucionare, sipas udhëzimeve të partisë, dhe këngët duhet t’i kushtoheshin diktatorit dhe partisë. Viktima të kësaj fushate u bënë shumë artistë krijues e mjaft këngëtarë, të cilët do t’i mungonin skenës shqiptare për vite me radhë, si: Justina Aliaj, Sherif Merdani, Nevruz Yzeiri, Françesk Radi etj. Pas viteve ‘90, kënga e lehtë shqiptare pësoi zhvillime të rëndësishme si pasojë e hapjes kulturore të vendit ndaj shoqërisë perëndimore. Kjo ndodhi natyrisht, fill pas përmbysjeve të mëdha shoqërore, të ndërrimit të sistemeve, të përmbysjeve që solli revolucioni politik i atyre viteve. Kënga e lehtë shqiptare u pasurua me këngë ritmike si: rok, rok end roll, rok-pop, rok-bombë, rep, hip-hop, kauntri, turbo-folk etj., rryma të cilat vërshuan në tokën e etur për dije, art e kulturë të niveleve bashkëkohore.Këngëtarët e parë që filluan të këndonin këngë ritmike rok, fillimisht në ndikim sllav e më vonë edhe nga vende të tjera ishin Aleksandër Gjoka, Redon Makashi, Bledar Sejko, Elton Deda etj. Justina AliajAleksandër GjokaSherif MerdaniRedon MakashiNevruz YzeiriBledar SejkoFrançesk RadiElton Deda96