Page 178 - Demo

MATEMATIKA 61748.2 Paraqitja e numrave të plotë në boshtin numerik A Kërkoni dhe zbuloniVizatoni një bosht numerik, ku keni përzgjedhur dhe njësinë u të ndarjes së boshtit. Gjeni në bosht vendndodhjen e pikës dy njësi larg nga pika O. Sa pika të tilla do të gjesh?Kërkojini shokut të gjejë në boshtin numerik pikën që ndodhet pesë njësi larg nga pika O. Sa pika të tilla do të gjejë shoku juaj? Si do t’i dalloni pikat që ndodhen në anë të kundërt të pikës O?B Vrojtoni dhe mësoniNë drejtëzën d, në të cilën është zgjedhur një pikë O si origjinë dhe njësia u për matjen e gjatësisë, ne kemi parë që çdo numri natyror i përgjigjet një pikë (fig. 9.3).–4I u H u G u u u u u u F O A B C D–3 –2 –1 0 1 2 3 4Fig. 9.3Numrit zero i përgjigjet pika O. Duke e vendosur njësinë u disa herë rresht, njëra pas tjetrës, në të majtë të pikës O, ne marrim pikat F, G, H, I. Themi që pika F i përgjigjet numrit (–1); pika G i përgjigjet numrit (–2) e kështu me radhë. Mbani mend:Dy numra të plotë, të kundërt paraqiten në boshtin numerik me dy pika që kanë tënjëjtën largesë nga origjina, por ndodhen në anët e kundërta të saj.Dimë se, ndër dy numra natyrorë, atij që është më i vogël i përgjigjet pika që ndodhet majtas tjetrës. Këtë rregull do ta mbajmë edhe për të krahasuar numrat e plotë të çfarëdoshëm. Prandaj mund të shkruajmë: ... –4 < –3 < –2 < –1 < 0 < 1 < 2 < 3 < 4 < ...Mbani mend:I. Çdo numër i plotë negativ është më i vogël se zero. II. Çdo numër i plotë pozitiv është më i madh se zero. III. Çdo numër i plotë negativ është më i vogël se çdo numër i plotë pozitiv. IV. Ndër dy numra negativë, më i vogël është ai që ka pikën përgjegjëse më larg origjinës. C Ushtrohuni duke zbatuar1. Paraqitni në boshtin numerik numrat e plotë:+4; –3; +1; –5; 0; +3. 2. Krahasoni numrat: (–5) dhe (–6); (–12) dhe (–1); (+3) dhe (–3).