Page 190 - Demo

MATEMATIKA 61869.1 Shprehjet shkronjore A Kërkoni dhe zbuloni Makina udhëtoi për dy orë. Orën e parë ajo përshkoi 85 km, kurse orën e dytë përshkoi 5 km më tepër se në orën e parë. Sa km përshkoi makina për dy orë? a) Hartoni shprehjen numerike që jep zgjidhjen e problemës. b) Gjeni vlerën e shprehjes numerike.c) Po nëse makina udhëton në orën e dytë a km më tepër se në orën e parë, sa km udhëton makina për dy orë? d) Shkruani një shprehje që do t’ju ndihmojë të zgjidhni rastit c. Krahasojeni me shprehjen e rastit a. Çfarë vini re?B Vrojtoni dhe mësoni Shprehja 85 + (85 + a) që shkruam për zgjidhjen e problemës është shprehje shkronjore. Duke zëvendësuar në vend të shkronjës a numrin 5, do të marrim shprehjen numerike 85 + (85 + 5), që jep zgjidhjen e problemës së mësipërme. Mbani mend:Shprehjet që përmbajnë shkronja quhen shprehje shkronjore. Ato formohen nga numrat dhe shkronjat të lidhura me shenjat e veprimeve aritmetike dhe kllapat.Nëse në vend të shkronjës a vëmë numrin 13, do të marrim shprehjen numerike 85 + (85 + 13), vlera e së cilës është 85 + (85 + 13) = 183.Numrat që vihen në vend të shkronjës, quhen vlera të kësaj shkronje. Punë në grup:Shkruani, duke përdorur shenjat e veprimeve matematike:1. shumën e numrit a me numrin 9;2. ndryshimin e numrit 4 me numrin b;3. shumën e dyfishit të numrit x me numrin 5.Duke krijuar shprehje shkronjore, shkruajmë “fjalë” në gjuhën matematike, kurse duke i lidhur këto shprehje me shenjat =, ≠ , >, <, marrim “fjali” matematike. C Ushtrohuni duke zbatuar 1. Përktheni në gjuhën e zakonshme. a) (a + b) · 5; b) 10 : (a – b); c) 5 + a · b; d) 3 · a – b. 2. Kontrolloni saktësinë e përkthimit në gjuhën e matematikës.Gjuha e zakonshme Gjuha matematike Shuma e 7 me x. 7 + xNdryshimi i 8 me y. 8 – yNumri që është 5 njësi më i madh se a. 5 + aNumri që është 5 herë sa a. 5aNumri që është 3 njësi më i madh se dyfishi i b. 3 + 2bNumri që është trefishi i shumës së x me 2. 3(x + 2)Dyfishi i x zmadhuar me 3 është 10. 2x + 3 = 10