Page 196 - Demo

MATEMATIKA 6192A Kërkoni dhe zbuloniNë njërën pjatë të një peshoreje të baraspeshuar ndodhet një pjepër dhe një gur peshe prej 2 kg, kurse në pjatën tjetër një gur peshe 5 kg. 1. Shënoni masën e pjeprit me x (kg). 2. Shkruani një barazim për të gjetur x. 3. Gjeni vlerën e x (masën e pjeprit). B Vrojtoni dhe mësoni I. Kuptimi i ekuacionitNëse në një barazim figuron një shkronjë, barazimi mund të jetë i vërtetë për disa vlera të shkronjës dhe jo i vërtetë për vlera të tjera të saj. Për shembull, barazimi x + 2 = 5 është i vërtetë kur x = 3, por nuk është i vërtetë kur x = 4. Mbani mend:Ekuacion quhet barazimi që përmban një shkronjë, vlerën e së cilës duhet ta gjejmë. Vlera e shkronjës (numri) që e kthen ekuacionin në barazim numerik të vërtetë, quhet rrënjë (zgjidhje) e ekuacionit. II. Zgjidhja e disa ekuacioneve Shembull 1 Zgjidhni ekuacionin 15 + x = 62. Zgjidhje Sipas kuptimit të mbledhjes, ky barazim do të thotë që mbledhori i panjohur (x) është ndryshimi midis shumës (62) dhe mbledhorit tjetër (15). Pra x = 62 – 15, d.m.th x = 47. ProvaNumri 47 është vërtet zgjidhje e ekuacionit 15 + x = 62, sepse duke zëvendësuar në të x me 47, marrim barazimin e vërtetë 15 + 47 = 62. Shembull 2 Zgjidhni ekuacionin y – 6 = 13. Zgjidhje Sipas kuptimit të zbritjes, ky barazim do të thotë që y është shumë e numrave 13 dhe 6. Pra, y = 13 + 6 d.m.th y = 19. ProvaNumri 19 është vërtet zgjidhje e ekuacionit y – 6 = 13, sepse duke zëvendësuar në të yme 19, marrim barazimin e vërtetë 19 – 6 = 13. 9.4 Ekuacioni 5 kg 200 g 2 kg