Page 200 - Demo

MATEMATIKA 61969.6 Problema që zgjidhen me ekuacione me një ndryshore A Kërkoni dhe zbuloniIliri e lexoi librin me 280 faqe për tri ditë. Ditën e dytë lexoi 40 faqe më tepër se ditën e parë, kurse ditën e tretë dyfishin e ditës së parë. Sa faqe lexoi ditën e parë? Shtroni një ekuacion për zgjidhjen e problemës, duke shënuar me x faqet që lexoi ditën e parë.Zgjidhni ekuacionin dhe argumentoni.B Vrojtoni dhe mësoniDisa këshilla në lidhje me mënyrën e zgjidhjes së problemave që përmbajnë ekuacione: I. Lexoni me kujdes problemën; kuptoni për çfarë bën fjalë ajo dhe çfarë duhet gjetur. Mbani shënim të dhënat dhe kërkesën. II. Madhësinë e panjohur shënojeni me një shkronjë (ndryshore). III. Madhësitë e tjera të panjohura në problemë përpiquni t’i shprehni nëpërmjet ndryshores (të ndërtoni për to shprehje shkronjore). IV. Duke barazuar dy shprehje që japin të njëjtën madhësi, formoni një ekuacion me një ndryshore. V. Zgjidhni ekuacionin. VI. Jepni përgjigjen e problemës. Shembull 1Perimetri i një drejtkëndëshi është 40 cm. Njëra brinjë është 4 cm më e madhe se brinja tjetër. Gjeni brinjët e drejtkëndëshit. Zgjidhje Shënojmë me x (cm) brinjën më të vogël të drejtkëndëshit. Brinja tjetër është x + 4. Perimetri i drejtkëndëshit është x + x + (x + 4) + (x + 4). Ky perimetër është 40 cm. Duke barazuar dy shprehjet për perimetrin, marrim ekuacionin x + x + (x + 4) + (x + 4) = 40. Zgjidhim këtë ekuacion. Shprehja në anën e majtë është 4x + 8. Kemi: 4x + 8 = 40 4x = 40 – 8 4x = 32 x = 32 : 4 x = 8 cm Përgjigje: Brinja më e vogël është 8 cm; brinja më e madhe është x + 4 = 8 + 4 = 12 cm. Shembulli 2 Beni është 12 vjeç, kurse babai i tij është 40 vjeç. Pas sa vitesh, babai do të jetë dy herë më i madh se Beni?