Page 27 - Demo

TEMA 2Njeriu dhe shoqëria në teknologjiPërmbledhje: Në këtë temë, nxënësit/et njihen me përdorimin e teknologjisë në fusha të ndryshme të jetës, si dhe ndikimin e saj në jetën e njeriut, duke u ndalur në zhvillimin e teknologjisë mjedisore dhe zbatimet e saj. Më tej, mësojnë mbi rëndësinë që kanë pyjet për shëndetin e njeriut dhe si mund të organizojnë aktivitete për ruajtjen e ambientit. Mësojnë, gjithashtu, të identifikojnë materialet plastike të riciklueshme dhe të pariciklueshme, si dhe të krijojnë punime me materiale të riciklueshme. Në vazhdim, nxënësit/et mësojnë të dallojnë ndotjet nga teknologjia në mjedisin shkollor, si dhe në mjedisin ku jetojnë, gjithashtu mësojnë të hartojnë një plan për parandalimin e ndotjeve nga teknologjia dhe mbrojtjen nga pajisjet teknologjike të dëmshme për shëndetin. Në fund, nxënësit/et kuptojnë rreziqet që ka përdorimi i pakujdesshëm i internetit dhe mësojnë si të mbrohen nga rreziqet në internet, si dhe kryejnë aktivitete praktike për të kuptuar rëndësinë që ka ndotja nga teknologjia.