Page 46 - Demo

44 FLETORE PUNE MATEMATIKA 95.2 Gjysmërrafshi, këndi1 Jepen drejtëza a dhe tri pika A, B, C që nuk shtrihen në të. Dihet që segmenti [AB] e pret drejtëzën, kurse segmenti [AC] nuk e pret drejtëzën. Shpjegoni pse segmenti [BC] e pret drejtëzën. 2 Hiqni drejtëzën a dhe shënoni ndonjë pikë M që nuk shtrihet në të. Shënoni tani dy pika K dhe L, në mënyrë që segmenti [MK] ta presë drejtëzën, kurse segmenti [ML] të mos e presë atë. 3 Është dhënë drejtëza dhe katër pika A, B, C, D që nuk shtrihen në këtë drejtëz. A e pret drejtëzën segmenti [AD] nëse: a) segmentet [AB], [BC] dhe [CD] e presin drejtëzën;b) segmentet [AC] dhe [BC] e presin drejtëzën, kurse segmenti [BD] nuk e pret? 4 Jepen 5 pika dhe drejtëza që nuk kalon nëpër asnjë prej tyre. Dihet që tri pika janë vendosur në një gjysmërrafsh në lidhje me drejtëzën, kurse dy pika në gjysmërrafshin tjetër. Çdo çift pikash është bashkuar me një segment. Sa segmente e presin drejtëzën? Shpjegoni përgjigjen. 5 Në segmentin [MN] është marrë pika P. Midis gjysmëdrejtëzave [MN), [MP), [PM), [PN) tregoni çiftet e gjysmëdrejtëzave që janë: a) të njëjta; b) plotësuese. 6 Vizatoni këndin jo të shtrirë ∠ AOB dhe hiqni: a) gjysmëdrejtëzën [OC) që e ndan këndin AOB në dy pjesë; b) gjysmëdrejtëzën [OD), që nuk e ndan këndin AOB në dy pjesë. 7 Konstruktoni: a) një kënd të gjerë;b) dy kënde të përbrinjëshme;c) dy kënde plotësuese (komplementare).8 Konstruktoni dy kënde α dhe β. Më pas, konstruktoni këndet:a) 2α; b) α + β; c) 2α - β; d) 3α + β.9 Vërtetoni se nëse prerja e dy gjysmëdrejtëzave është gjysmëdrejtëz ose segment, atëherë ato i takojnë një drejtëze.