Page 73 - Demo

71 7 Ekuacione dhe sisteme ekuacionesh lineare me dy ndryshore7.5 Përdorimi i ekuacioneve lineare1 Gjeni pikat e prerjes së grafikëve të ekuacioneve:a) y = 10x – 8; y = –3x + 5; b) y = –5x + 16; y = –4. 2 Grafiku i ekuacionit y = ax është paralel me grafikun e funksionity = –0,4x + 5. Në cilat kuadrante shtrihet ai? 3 Buzë një rruge të drejtë ndodhet një pemë. Një djalë vrapon në rrugë me shpejtësi të pandryshueshme 5 m/sek drejt pemës, duke u nisur nga një pikë që ndodhet 100 m larg saj. a) Jepni me formulë largesën y (m) të djalit nga pema në çastin x (sek) nga fillimi i lëvizjes. b) Konstruktoni grafikun e këtij ekuacioni duke pasur parasysh bashkësinë e vlerave të mundshme të x. 4 Një copë akulli u vu të ngrohet duke matur në çdo çast temperaturën e tij. Grafiku i varësisë së temperaturës nga koha është dhënë në figurën 7.9. Përcaktoni në bazë të grafikut: a) temperaturën fillestare; b) formulën që jep varësinë e T nga t, për 0 ≤ t ≤ 5; c) formulën që jep këtë varësi për 5 ≤ t ≤ 45, për 45 ≤ t ≤ 55. 5 Anija, duke udhëtuar 3 orë sipas rrjedhës së lumit dhe 2 orë kundër saj, përshkoi 240 km. Kjo anije për 3 orë kundër rrjedhës përshkon 35 km më shumë sesa për 2 orë sipas rrjedhës. Gjeni shpejtësinë e anijes sipas rrjedhës dhe kundër saj?6 Dy turistë dolën njëherësh nga dy qytete që ndodhen në largësinë 38 km, dhe duke ecur përballë njëri-tjetrit u takuan pas 4 orësh. Dihet që turisti i dytë ka ecur 2 km më tepër se i pari. Cila është shpejtësia e secilit turist? 7 Për të shkuar në shkollë, Era ecën 2,3 km. Një pjesë të rrugës e bën me shoqen e saj. Pasi ecën vetëm për 835 m, takon shoqen. Më pas, të dyja së bashku ecin dhe 1,2 km. Dhe sa duhet të ecin për të arritur në shkollë?–4 5 45 55010T(°C)t(min)Fig. 7.9