Page 186 - Demo

Kushtetuta e RPSSh-sëThellimi i reformave socialiste krijoi një realitet të ri në jetën e vendit. Likuidimi i plotë i pronës private, krijimi i ekonomisë shtetërore, eliminimi i institucioneve fetare, izolimi i vendit etj., ishin disa prej ndryshimeve të thella, të cilat PP-ja vendosi t’i pasqyronte në Kushtetutën e vitit 1976. Kushtetuta e shpalli PP-në si forcë të vetme drejtuese, marksizëm-leninizmin si ideologji sunduese, luftën e klasave si forcë lëvizëse dhe mbështetjen në forcat e veta si parim zhvillimi. Po ashtu, sanksionoi ndalimin e investimeve dhe marrjen e kredive nga jashtë, si dhe vendosjen e bazave të huaja në territorin e vendit. Me dispozitat e saj antidemokratike, kushtetuta ndikoi në përkeqësimin e gjendjes ekonomike dhe krijoi kushte për destabilizimin e vendit.Kursi i zhvillimit autarkikNë fillim të viteve ‘80, gjendja e vendit u rëndua më tej. Pa marrë parasysh pasojat e krizës, udhëheqja e PP-së vazhdoi me kokëfortësi kursin e vetizolimit. Madje, shpalli me bujë si rrugë zhvillimi, mbështetjen tërësisht në forcat e veta. Kursi i zhvillimit autarkik u sintetizua në direktivat e pesëvjeçarit VII (1981-1985), ku u ndoqën të njëjtat kritere për përparësitë e investimeve. Pa përfillur mundësitë reale, plani u fry me objektiva të ngjeshura dhe krijoi kushte që kriza të shtrihej deri në kupolën e lartë të shtetit. Tema 7 Kriza e regjimit komunistGrmicëhistorikeEnver Hoxha ndenji në pushtet 42 vjet, më shumë se çdo udhëheqës tjetër i botës komuniste. Vdekja e tij (11 prill 1985) shënoi fundin e një epoke. Shqiptarët e përcollën ngjarjen me emocion dhe me ankthin e së nesërmes. Propaganda zyrtare përshkallëzoi kultin e Enverit, duke i dhënë përmasa gati hyjnore. Enveri u bë personifikimi i Shqipërisë socialiste dhe u shpall burri më i madh i kombit. Disa institucione, përfshi edhe Universitetin e Tiranës, morën emrin e tij. Në Tiranë u ngrit një përmendore tri herë më e lartë se ajo e Heroit Kombëtar dhe një Muze Piramidë në nderim të veprës së tij.Enver Hoxha, Mehmet Shehu dhe Adil Çarçani në një ceremoni nderimi ushtarak1184