Page 199 - Demo

Tematika VIITema 1 Lëvizja studentore e dhjetorit (1990) dhe rrëzimi i regjimit komunistGrmicëhistorike“Goditjen përfundimtare e dhanë protestat studentore. Studentët kishin qenë në pararojë të lëvizjeve për vendosjen e pluralizmit politik dhe destalinizimin e plotë të jetës së vendit. Me studentët u bashkua edhe rinia dhe populli i kryeqytetit. Përballë gjendjes tejet të nderë, Ramiz Alia me shumë vështirësi u dorëzua përpara kërkesave të studentëve dhe pranoi sistemin shumëpartiak.” Valentina Duka, Histori e Shqipërisë, 1912-2000Shpallja e pluralizmit politik Masat e ndërmarra nga R. Alia nuk sollën efekte pozitive për ndryshimin e jetës ekonomike e politike në vend. Për rrjedhojë, në mesin e vitit 1990, vendi hyri në kolaps të plotë. Ai ndodhej në kufijtë ekstremë të një gjendjeje të jashtëzakonshme. Kriza i hapi rrugën kaosit dhe çorganizimit të përgjithshëm. Grupe njerëzish nisën disa veprimtari të organizuara antikomuniste me parulla antiparti. Në këtë situatë lindi një dukuri e re dhe lëvizje e panjohur ndër shqiptarët. Më 2 korrik 1990, mijëra qytetarë u përleshën me policinë, shembën muret e përfaqësive të huaja dhe kërkuan strehim politik. Disa ditë më vonë, gjendja u rëndua me shpërthimin e një eksodi masiv të shqiptarëve drejt vendeve të Perëndimit. Këto veprime, politika zyrtare i quajti akte huligane. I ndodhur në këtë situatë, si dhe nën presionin e ndërkombëtarëve, R. Alia ndërmori disa reforma, si: largoi nga udhëheqja disa elementë prej pushtetarëve të vjetër komunistë dhe pajisi qytetarët azilkërkues me pasaporta. Për të krijuar përshtypjen e një fryme të re reformiste, ndau partinë nga shteti e shpalli një plan për rishikimin e rendit kushtetues. Por këto masa nuk e qetësuan gjendjen. Më 8 dhjetor 1990, në qytetin “Studenti” në Tiranë nisën protestat studentore me kërkesën për lejimin e pluralizmit politik në Shqipëri. Ato u mbështetën nga pedagogë, intelektualë dhe qytetarë të Tiranës. Më 11 dhjetor, presidenti R. Alia, në takim me një përfaqësi të tyre, pranoi kërkesën për lejimin e pluralizmit politik. Lajmi u prit me entuziazëm nga gjithë populli.Më 12 dhjetor, një komision nismëtar i përbërë nga studentë e pedagogë shpallën krijimin e Partisë Demokratike të Shqipërisë (PDSH), partia e parë politike opozitare në Shqipëri. Pas saj u krijuan radhazi Partia Republikane, Socialdemokrate etj. Ndërkohë, në qershor 1991, PPSh-ja ndryshoi emrin në Partia Socialiste e Shqipërisë (PSSh) dhe shpalli një program të ri statutor për t’iu përshtatur ndryshimeve nga diktatura në demokraci. Ambasada gjermane, korrik 19901Takimi studentorme Ramiz Alinë2197