Page 24 - Demo

Figurat e shqiptimit poetik Pyetja retorike është një figurë që përdoret për t’i dhënë më shumë gjallëri stilit. Pyetja retorike synon t’i tërheqë vëmendjen lexuesit a dëgjuesit dhe e ka vetë përgjigjen. Poeti nuk pret ndonjë përgjigje, veç e përdor për t’i dhënë ligjëratës një ton më të fuqishëm, më bindës e më emocional. Pyetje retorike kemi në vargjet në vijim: A shndrit rreze lirie n’ato maja A keni ndie ndikund, kah fluturoni ndër shkrepa, me ushtue kangën e saj A keni ndie nji kangë të patravajë? (“Liria” N. Mjeda) Pasthirrma është një figurë retorike me të cilën shkrimtari, i prekur thellë nga rrethana të ndryshme të jetës, shpërthen me një thirrje çudie, urrejtjeje, dhembjeje, gëzimi, qortimi, frike e admirimi. Pasthirrmë përbëjnë ato shprehje që kanë një karakter thirror, që sugjerojnë intonacion thirror, për shkak të përdorimit të pikëçuditjes, ose që përmbajnë fjalë që i përkasin klasës së pasthirrmave. Muzat e Apollonit dhe Hiret kishin erdhur Rreth shtatit po i rrinin, secila duke hedhur Lule mbi engjëllueshen. Ah! ky muaj më fton. (“Ja muaji i prillit” P. De Ronsard) Jeto o Jet’ e vdis pa fol. Çudi! Për uj’ e bar si kafsha pa gjykim! Jeto o jet e rro në skllavëri (“Tingëllim jetës” P. Marko)Kjo figurë shpesh shprehet si një apostrofë. Apostrofa është një figurë stilistike që krijohet kur poeti i drejtohet një njeriu ose një sendi të veçantë që mund të jetë afër ose larg, gjallë ose vdekur, sikur ta kishe të gjallë e të pranishëm. Në gjuhën shqipe, apostrofa është e dallueshme edhe nga forma, përmes përdorimit të pjesëzave me funksion thirror o, ore, oj. O kangët që fleni reliktet e mia q’ende s’keni prekun as një zemër të huej (Migjeni)Përdorimi i apostrofës është shumë tipik për elegjitë si dhe për poezitë epike, kur thirren muzat për ta ndihmuar rrëfimtarin që të rrëfejë. “Duke çelë”,Saj TuombliFigurat e shqiptimit poetik22