Page 131 - Demo

TË FOLURITPërcaktimi Një fjalim bindës është një lloj specifik fjalimi, në të cilin folësi ka për qëllim bindjen e audiencës për të pranuar pikëpamjen e tij. Fjalimi bindës është i rregulluar në mënyrë të tillë që auditori të pranojë të gjithë ose një pjesë të pikëpamjes së shprehur.Bindja lidhet me procesin që synon ndryshimin e qëndrimit ose të sjelljes së një personi. Efektshmëria e një fjalimi bindës varet gjithashtu nga faktorët që tejkalojnë fjalët e fjalimit. Gatishmëria e audiencës për të pranuar një pikëpamje të re, gjuha e trupit të folësit dhe mjedisi në të cilin mbahet fjalimi, mund të ndikojnë në suksesin e një fjalimi bindës.Një folës i suksesshëm do të bëjë çmos që të krijojë një etikë të fortë me audiencën e vet dhe t’i paraqesë asaj argumentin më të mirë të mundshëm.Analiza e audiencës është një faktor i rëndësishëm kur jep një fjalim bindës, pasi audienca do të bindet për arsyet e veta, jo për arsyet e folësit. Për shembull, nëse një folës po përpiqet të bindë audiencën, duke i thënë se fëmijëve u duhet folur për Babagjyshin e Vitit të Ri, duke u treguar të vërtetën, pra që ai nuk ekziston, ka shumë gjasa që të mos e arrijë qëllimin. Në rast se folësi vendos të tregojë një histori personale lidhur me Babagjyshin dhe përjetimet e tij të dikurshme për të, ka shumë gjasa që ta bindë audiencën duke arritur kështu edhe qëllimin e fjalimit të tij.Fjalimet bindëse zakonisht përdoren për të bindur, për të nxitur veprim ose për të rritur besimin. FJALIMI BINDËS129