Page 50 - Demo

TË FOLURIT Emocionet janë normale, praktika dhe parapërgatitja gjithashtu.Përgjithësisht, para se të flasin në grupe ose në audienca të mëdha, njerëzit ndiejnë disa reagime fiziologjike dhe emocionale, si: rrahje zemre, mungesë ajri, djersitje etj. Këto ndjenja mund të ndikojnë në cilësinë e të folurit në rast se anashkalohen. Disa nga momentet kur mund ta vini re këtë gjendje emocionale janë: mëngjesin e ditës së prezantimit, 2-3 orë para prezantimit, 20 minuta para se t’ju vijë radha për të folur, në momentin kur dilni para audiencës, minutën e parë të prezantimit tuaj, një minutë pasi keni zënë sërish vendin tuaj. Mënyra më e mirë për ta kapërcyer këtë gjendje emocionale “të sikletshme” është përgatitja sa më e mirë, përshtatja e të folurit me qëllimin e temës dhe me audiencën së cilës i drejtohet.PËRSHTATJA E GJUHËS GJATË TË FOLURIT ME QËLLIMIN, TEMËN DHE DËGJUESIN Të folurit në publik është një shprehi komunikative e rëndësishme, e cila duhet përshtatur me qëllimin për të cilin realizohet dhe me publikun të cilit i drejtohet. Prandaj çdo folës duhet të njohë dhe të respektojë disa rregulla dhe parime që i sigurojnë atij sukses gjatë të folurit, duke realizuar qëllimin për të cilin po flet në publik dhe duke e përshtatur të folurin me audiencën së cilës po i drejtohet.48