Page 66 - Demo

Roi Lihtenshtejn e ka përditësuar veprën origjinale të Van Gogut me karrige bashkëkohore dhe ka zëvendësuar këmishët rastësore me këmishë të bardha të biznesmenëve. Ai përdor pikat në një faqe muri, vijat e pjerrëta në tjetrën dhe linjat e valëzuara në dysheme, duke e ndryshuar atë nga një dhomë fshati në një dhomë moderne. Lihtenshtejn thotë me humor se “pastroi versionin e Van Gogut” dhe se ai do ta pëlqente. Lihtenshtejn thekson se kontrasti i madh midis stilit të tij si të filmave vizatimorë dhe origjinalit shkakton një lloj humori. Ai vëren se puna e tij është e përpiktë, ndërsa Van Gogu ishte spontan. Vëzhgo me vëmendje dhomën në Arles sipas Van Gogut dhe dhomën e përditësuar sipas Lihtenshtejnit. Përditëso edhe ti “Dhoma në Arles” të Van Gogut sipas këndvështrimit tënd. Zëvendësoji objektet e dhomës me objekte bashkëkohore.Fig. 6. Van Gog, “Dhoma në Arles”, vaj në kanavacë, 1889 Fig. 7. Roi Lihtenshtejn (Roy Lichtenstein), “Dhoma në Arles”, vaj në kanavacë, 1992Postimpresionizmi ishte një periudhë, gjatë së cilës shumë artistë ndoqën rrugën e tyre në art, duke zhvilluar një stil mjaft personal. Ashtu si impresionizmi, lëvizja postimpresioniste u përqendrua në Francë. Piktorët e rinj Pablo Pikaso (Pablo Picasso) dhe Henri Matis (Henri Matisse) iu referuan Pol Sezanit si “babai i të gjithëve”. Postimpresionizmi frymëzoi lëvizjet e ardhshme të artit modern, si: kubizmin, surrealizmin, fovizmin dhe ekspresionizmin.Fakte interesante rreth postimpresionizmit Veprimtari“Dhoma në Arles” e Van Gogut, sipas Roi Lihtenshtejn dhe sipas vështrimit tënd64