Page 110 - Demo

MësimiI.1 2.22 Rëndësia e sektorit të tretë të ekonomisëSektori i tretë i ekonomisë është sektori më i larmishëm për sa i përket degëve të tij. Ai përfshin turizmin, transportin, shërbimet, tregtinë dhe artizanatin. Për shkak të lidhjes që kanë këto degë me nevojat e vazhdueshme të popullsisë për mallra konsumi dhe shërbime, rëndësia e tyre ka ardhur gjithnjë e në rritje, sidomos pas vitit ‘90. Rëndësia e këtij sektori lidhet edhe me përqindjen e konsiderueshme të të punësuarve (rreth 15%) në degët e tij, përqindje që ka ardhur vazhdimisht në rritje. Turizmi Pozita gjeografike e Shqipërisë (me dalje të gjerë në Detin Mesdhe), diversiteti natyror, larmia e hidrografisë dhe e botës së gjallë, mikpritja, vlerat e shumta historike, kulturore e arkeologjike të saj, të trashëguara brez pas brezi, përbëjnë një mbështetje të madhe dhe të përhershme për zhvillimin e turizmit. Sot, ai është një nga degët më me peshë në sektorin e tretë të ekonomisë, me një rol të rëndësishëm edhe në perspektivën e zhvillimit ekonomik të Shqipërisë. Për këtë arsye, turizmi shihet si një prej sektorëve që mund të garantojë zhvillimin e qëndrueshëm ekonomik të vendit dhe të sigurojë një punësim të vazhdueshëm. Ai përfaqësohet me turizmin blu, të bardhë, të gjelbër dhe me atë kulturor. SEKTORI I TRETË I EKONOMISË Diskutojmë: Bazuar në njohuritë e marra në burime të ndryshme, evidentoni mundësitë e zhvillimit të turizmit në Shqipëri dhe jepni mendimin tuaj lidhur me gjendjen dhe perspektivën e tij.Fjalë kyçe rëndësia e sektorit të tretë të ekonomisë nëndegët e këtij sektoriPamje nga bregdeti i Adriatikut (Shëngjin)1 23 Pamje nga zona turistike e Razmës Pamje nga kalaja e KrujësTurizmi blu është i përqendruar përgjatë gjithë vijës bregdetare të Adriatikut e Jonit (në Velipojë, Durrës, Vlorë, Sarandë etj.), si dhe përgjatë bregut të Liqenit të Ohrit (në Pogradec). Zonat kryesore ku zhvillohen turizmi i bardhë dhe ai i gjelbër, janë: Thethi, Dardha, Voskopoja, Tomori, Razma, Valbona, Dajti, Qafë-Shtama etj. Turizmi kulturor ka shënuar vazhdimisht rritje gjatë dhjetëvjeçarit të fundit. Destinacionet turistike më të vizituara në vend janë qytetet muzeale dhe historike, si Berati, Gjirokastra, Shkodra, 108