Page 63 - Demo

Tematika III Historia, muzika dhe shoqëriaVinçenco Belini (1801-1835) lindi në Katania të Sicilisë, në Itali. Studimet për muzikë i kreu në Konservatorin e Napolit. Opera e tij e parë ishte “Bianka dhe Fernandi”, e ndjekur nga një sërë operash të tjera, si: “Pirati”, “E huaja”, “Kapuletët e Montegët” etj., për të arritur tek opera “Somnambul”, e cila do ta afirmonte si kompozitor.Ndryshe nga kompozitorët e tjerë italianë që nuk i kushtonin shumë vëmendje tekstit të operës (libretit), për Belinin ai ishte burimi kryesor i frymëzimit për të krijuar muzikë. Kryevepra e tij është opera “Norma”, aria e mrekullueshme e së cilës “Kasta Diva” është shumë e famshme. Ashtu si në operat e Belinit, edhe në ato të Donixetit, temë kryesore është dashuria e shprehur me një përshkrim romantik ndjenjash.Xhuzepe Verdi (1813-1901) lindi në Buseto të Parmës, në Italinë e Veriut. Për shkak të origjinës së tij fshatare, Verdi nuk e fitoi të drejtën për të ndjekur studimet. Megjithatë, ai vazhdoi të studionte muzikë dhe brenda një kohe të shkurtër, përvetësoi elementet themelore të mjeshtërisë së kompozicionit. Ai punoi si drejtues i shoqërisë filarmonike të Busetos, ku edhe kompozoi operën e tij të parë “Oberti, konti i Bonifacit”, që u vu në skenë në “La Skala” të Milanos dhe pati një sukses të madh. Më pas, Verdi kompozoi operën tjetër të suksesshme “Nabuko”. Disa nga operat e tij më të njohura janë: “Lombardët”, “Hernani”, “Atila”, “Beteja pranë Lenjanos”, “Rigoleto”, “Trovatore”, “Traviata”, “Muzgjet siçiliane”, “Simon Bokanegra”, “Ballo me maska”, “Don Karlosi”, “Luiza Miler”, “Forca e fatit”, “Aida”, “Otello”, “Falstaf ” etj.Dëgjo dhe diskuto Dëgjo arien e famshme “Kasta Diva”, nga opera “Norma” e kompozitorit Vinçenco Belini dhe përshkruaj ndjesitë që të krijohen. Si është muzika e saj?Dëgjo dhe diskuto Dëgjo arien e famshme “Dollia”, të shkëputur nga opera “Traviata”, të kompozitorit Xhuzepe Verdi dhe përshkruaj ndjesitë që të krijohen. Çfarë atmosfere krijon ajo?Vinçenco BeliniXhuzepe Verdi61