Page 24 - Demo

Libër për mësuesin/en22NATYRA GRIMCORE E LËNDËSNë këtë kapitull trajtohen shumë aspekte nga kimia, të cilat lidhen direkt me përditshmërinë e nxënësit. Prandaj, gjatë punës në klasë, sugjerohet të përdoren sa më shumë shembuj nga jeta e përditshme nxënësve, në mënyrë që të jetë më interesante dhe të rritet motivi i fëmijëve për punë.Kur flitet për rolin e kimisë në jetën tonë, përveç shembujve që janë dhënë në libër, mund të përdoren edhe shembuj të tjerë, si: zbulimi i plastikave, ekraneve të televizorëve e telefonave, zbulimet e ndryshme të barnave etj., apo edhe zbulimet dhe hulumtimet e fundit, të cilat janë duke u zhvilluar në botë. Për zbulimet e fundit mund të përdoren faqe të ndryshme interneti: (https://www.acs.org/content/acs/en/acs-webinars/technology-innovation.html) apo edhe gazeta e revista.Klasifikimi i substancave është temë e njohur për nxënësit nga klasa e katërt dhe e pestë, por që mund të punohet më shumë në krahasimin e vetive mes substancave, e cila do të ndihmonte në zhvillimin e koncepteve të përgjithshme nga kimia.Organizimi i punës në laborator, rregullat e punës, si dhe shenjat në laboratorin e kimisë janë shumë të rëndësishme, pasi përveç kujdesit ndaj vetes dhe të tjerëve, ato zhvillojnë edhe përgjegjësinë dhe shprehitë e punës në përgjithësi. Këto njësi mësimore mund të zhvillohen edhe me demonstrime, simulime apo aktivitete të ndryshme. Informata më të gjera mund të gjeni edhe në adresën elektronike: - https://www.acs.org/content/acs/en/chemical-safety.html?cid=home_trendingNdarja e substancave të pastra nga përzierjet është pjesa ku mund të përzgjedhim një numër të madh të eksperimenteve, të cilat nxënësit/et mund t’i kryejnë. Te kjo pjesë, mundohuni të organizoni mësimin në atë mënyrë që nxënësit/et të nxjerrin vetë përfundime, e jo vetëm t’i demonstrojnë eksperimentet.Në këtë kapitull paraqitet edhe zhvillimi historik i teorive rreth strukturës së atomit dhe tabelës periodike ku gjatë mësimdhënies mund të përdoret lexim kuptimi i tekstit mësimor apo edhe videove të ndryshme nga interneti. Për trajtimin e këtyre njësive mësimore, përveç tekstit “Kimia 7” dhe fletores së punës, mund të përdoren edhe materiale dhe burime nga interneti, si:- https://www.britannica.com/science/atom- http://www.rsc.org/learn-chemistry/resource/res00001113/interactive-periodic-tablegame?cmpid=CMP00002097 Duke pasur parasysh faktin që struktura e atomit është thelbësore për të kuptuar të gjitha aspektet e tjera në kimi, sugjerohet që të punohet sa më shumë në kuptimin e tyre, e jo vetëm në njohjen e fakteve. Sugjerohet që njësitë mësimore të zhvillohen ngadalë, hap pas hapi. Për këtë arsye, edhe në planin vjetor, i është dhënë një numër më i madh orësh.Janë dhënë disa modele të orës mësimore, të cilat mund t’i përdorni ashtu siç janë, t’i modifikoni ato apo edhe t’i organizoni në mënyrën që ju përshtatet.