Marjane Satrapi

Marjane Satrapi është një noveliste grafike bashkëkohore franceze e cila ka lindur në Iran. Ajo është gjithashtu një ilustruese, regjisore e filmave të animuar, si dhe autore e librave për fëmijëve. Përveç gjuhës së saj amtare persiane, ajo flet anglisht, suedisht, gjermanisht, frengjisht dhe italisht. Satrapi u rrit në Teheran në një familje që ishte përfshirë me lëvizjet komuniste dhe socialiste në Iran para Revolucionit Iranian. Ajo studioi në lice, dhe gjatë fëmijërisë ishte dëshmitare e shtypjes së lirisë qytetare dhe pasojat e jetës së përditshme të politikës iraniane, duke përfshirë rënien e Shahut, regjimin e hershëm të Ruhollah Khomeinit dhe vitet e para të luftës midis Iranit dhe Irakut. Në vitin 1983, në moshën 14 vjeç, Satrapi u dërgua nga prindërit e saj në Vjenë për të ikur nga regjimi iranian.