Rreth nesh

Botime PEGI e ka filluar aktivitetin në sektorin e shtypit dhe botimeve qysh në vitin 1994. Qëllimi i kësaj sipërmarrjeje ka qenë dhe është krijimi i një hallke midis njerëzve dhe dijes.

Prej vitit 2005, kohë kur sektori i librave shkollorë u liberalizua nga qeveria shqiptare, PEGI intensifikoi aktivitetin e saj me botimin e teksteve shkollore.

Në vitin 2011, departamenti i botimeve u nda formalisht nga shoqëria mëmë duke krijuar shoqërinë Botime PEGI sh.p.k., e cila sot është një nga shtëpitë botuese më aktive në segmentin e librave shkollorë, ndërkohë që po rritet me shpejtësi edhe në sektorin e botimeve letrare.

Reputacioni ynë bazohet në cilësinë e teksteve shkollore, si edhe në suksesin e vazhdueshëm përballë institucioneve e mësuesve. Ne krenohemi me një nga ekipet më të mira në fushën e botimeve shqiptare: mbi 20 vjet eksperiencë dhe mbi 500 tituj përvojë e përbashkët.

Me 120 tituj shkollorë, Botime PEGI është botuesi më i madh i teksteve shkollore në Shqipëri. Vetëm në vitin 2017, katalogu përkatës u pasurua me 20 tituj të rinj shkollorë, të miratuar nga Ministria e Arsimit (MAS). Njëkohësisht, katalogu i librave joshkollorë (letrarë dhe joletrarë) i ka kaluar tashmë 200 titujt.

Botime PEGI karakterizohet nga një:

• rrjet i gjerë shpërndarjeje;
• reputacion i shkëlqyer dhe markë e njohur;
• skuadër e fortë.

Në vitin 2014, si shpërblim për përkushtimin dhe punën e palodhshme, qeveria shqiptare e vlerësoi me çmimin "Bleta e Artë" në kategorinë Belles Lettres, në fushën e botimeve.

Ndër çmimet e tjera mund të përmendim:

• Përkthimi më i mirë i vitit (2017) për "Armëpushimi" (La tregua), P. Levi.
• Përkthimi më i mirë i çmimeve Kult (2017) për "Rastet" (Le occasioni), E. Montale.
• Përkthimi më i mirë i Panairit të Librit (2014) për "Xhejn Er" (Jane Eyre), Ch. Brontë.
• Përkthimi më i mirë i Panairit të Librit në Kosovë (2013) për "Koha e ngrirë" (Die gefrorene Zeit), A. Kim.
• Çmimi "Penda e argjendtë" si shkrimtari më i mirë debutues (2012) për Darien Levanin me "Poetët bëjnë dashuri ndryshe".
• Libri më i mirë për fëmijë në Panairin e Librit (2012) për "Pas festës së Abetares" nga Gaqo Bushaka.

Në saje të përpjekjeve për botime cilësore, Botime PEGI është vlerësuar dhe mbështetur financiarisht nga disa institucione ndërkombëtare dhe kombëtare, si Instituti Italian i Kulturës, Traduki, Ministria e Kulturës, Centre National du Livre etj.

Botime PEGI mbetet një nga shtëpitë botuese më të mëdha në Shqipëri. Në saje të punës dhe përkushtimit të vazhdueshëm, ajo vijon të rritet dhe të jetë përherë e më e suksesshme.