"Jam pjesë e dhimbjes së miliona njerëzve. Megjithatë, kur

vështroj qiellin, mendoj se gjërat do të marrin për mirë."

Mendimet, frika, dëshpërimi, por edhe ironia, dëshira për të jetuar dhe shpresa, rrëfehen me sinqeritet dhe një pjekuri të jashtëzakonshme nga Ana Frank, një vajzë shumë e re hebreje,

në Ditarin e saj, i cili është bërë tashmë një nga librat më të lexuar dhe më të dashur në botë.

I ardhur tashmë në një version më të thjeshtë, me mjete lehtësuese për leximin dhe ilustrime të mrekullueshme, do

t'i bëjë të mendojnë të gjithë fëmijët që do ta lexojnë.

Ana Franku lindi më 12 qershor 1929 në Frankfurt, Gjermani. Kur në pushtet erdhën nazistët, të cilët filluan të persekutonin hebrenjtë, familja e Anës u detyrua të shpërngulej në Holandë, në Amsterdam. Por edhe atje situata ishte mjaft e rrezikshme. Ana dhe familja e saj, për më shumë se dy vjet, u fshehën në një vendstrehimin sekret. Ana ishte një vajzë mjaft e pjekur dhe në ditarin e saj ajo flet për jetën e vështirë në vendstrehim, flet për

grindjet që ndodhnin aty, frikën, por edhe për shpresën që lufta do të mbaronte së shpejti. Më 4 gusht 1944, Ana dhe familja e saj u arrestuan dhe u dërguan në kampet e përqendrimit. Ana Franku vdiq në Bergen-Belsen në shkurt 1945 për shkak të tifos, një sëmundje e tmerrshme.