"Këndo, o hyjneshë, mërinë e

Akil Pelidit,

që shumë hidhrime e kobe

akejve u solli..."

Historia e një lufte shumë të gjatë mes luftëtarëve akej dhe trojanë, zemërimi i Akilit, humanizmi i Hektorit, dinakëria e

Odisesë, dhembshuria e Patroklit, ëmbëlsia e Andromakës, bukuria e Helenës: këto janë disa prej temave që rrëfehen në poemën e Homerit. Paraqitur tashmë në një version më të thjeshtë, më të lehtë për t'u lexuar dhe me ilustrime të

mrekullueshme, kjo kryevepër e zhanrit epik do t'i bëjë për vete të gjithë fëmijët që do ta lexojnë.

Kush e ka shkruar "Iliadën"?

Sipas legjendës, autori i dy poemave më të njohura të lashtësisë, “Iliada” dhe “Odisea”, është Homeri. Për të dihet shumë pak, ose pothuajse asgjë. Madje, shumë studiues dyshojnë për ekzistencën e tij. Ndoshta, “Iliada” dhe “Odisea” janë shkruar nga dy ose më shumë poetë. Sipas disa gojëdhënave, Homeri ishte një këngëtar (poet) i verbër, që jetonte në ishullin grek, Kios. Sipas të tjerave, Homeri e kaloi jetën e tij në disa zona të Greqisë. Sido që të jetë, këto dy poema janë kryevepra të përjetshme dhe lexohen e studiohen në mbarë botën.