"Këndomë, o zanë, të urtin

burrë që u end për sa vjet

poshtë e lart pa plang,

shtëpi, si shtroi përdhè të shenjtat

ledhe t’Trojës..."

Këtu rrëfehet udhëtimi i kthimit të Odisesë për në atdheun e tij, Itakën e dashur, pas përfundimit të luftës së Trojës. Homeri u

këndon rreziqeve, peripecive, përbindëshave, dinakërisë së heroit tonë, magjistricave e vajzave të bukura. Përveç Odisesë (ose Uliksit, siç e quajnë ndryshe), personazhe të paharrueshme janë edhe e shoqja Penelopa, i biri Telemaku, ciklopi Polifem, magjistrica Circe, mëtuesit e të tjerë.

Kjo kryevepër epike, që tashmë vjen në një version më të thjeshtë, me mjete lehtësuese për leximin dhe ilustrime

të mrekullueshme, do t’i bëjë për vete të gjithë fëmijët që do ta

lexojnë.

Kush e ka shkruar "Odisenë"?

Sipas legjendës, autori i dy poemave më të njohura të lashtësisë, “Iliada” dhe “Odisea”, është Homeri. Për të dihet shumë pak, ose pothuajse asgjë. Madje, shumë studiues dyshojnë për ekzistencën e tij. Ndoshta, “Iliada” dhe “Odisea” janë shkruar nga dy ose më shumë poetë.

Sipas disa gojëdhënave, Homeri ishte një këngëtar (poet) i verbër, që jetonte në ishullin grek, Kios. Sipas të tjerave, Homeri e kaloi jetën e tij në disa zona të Greqisë. Sido që të jetë, këto dy poema janë kryevepra të përjetshme dhe lexohen e studiohen në mbarë botën.