Përshkrimi

Tomas Lëgrand, arkitekt i njohur francez, dhe Ameli Lërua, zëvendësrektore e Universitetit të Kapelës së Shenjtë në Paris, janë protagonistët e një historie të fortë dashurie, si dhe e një lufte kundër lobit të baronëve universitarë. Njohur që në rininë e hershme, të dy do të rilidhen me rastin e ndërtimit të një salle universitare Aula Magna, si simbol i atij ndryshimi që Amelia u ka premtuar zgjedhësve të saj. Në përplasjet e egra që do të pasojnë dalin në pah mekanizmat e fshehtë të pushtetit universitar, duke nxjerrë në sipërfaqe mediokritetin e një sistemi që arrin të mbijetojë falë lodhjes së një shoqërie dekadente. Ngjarjet pasojnë njëra-tjetrën brenda një dite të vetme, me kthesa të befta, që e shtyjnë Tomasin në një reflektim të thellë për veten, për vrajat e tij dhe marrëdhëniet më intime. Një dashuri adoleshence, e furishme, që shpërthen papritur duke vënë gjithçka në dyshim. Por a është dashuri e vërtetë? A mundet që gjendja e keqe shpirtërore të gjejë përgjigje në ekranin e një iPhone-i? Një roman që është njëkohësisht intim dhe shoqëror. Në sfond, baret dhe rrugët e Parisit në një atmosferë fort romantike. Fragment nga libri.... Përse duam me çdo kusht t’i gjejmë një fytyrë vetmisë sonë? Vetmia jonë jemi thjesht ne vetë, askush tjetër. Mund të na gënjejë mendja ta rigjejmë në një tjetër vetmi, por ata si ne, në të vërtetë, duan thjesht dhe vetëm të tyren.

Informacion mbi librin

Recensione