Page 8 - Aventurat e pazakonta të shegertit të vogël

Aventurat e pazakonta të shegertit të vogël

Ama, të shoqen e kishte shumë të mirë. Edhe asaj i kishte ndodhur
një fatkeqësi si ajo e usta Vetullngrysurit. Mirëpo prej asaj kohe,
gruaja ishte bërë edhe më e mirë dhe zemrën e kishte flori. Ndaj,
Hlapiti e donte aq shumë.
Ç’është e vërteta, edhe ajo e kishte frikë usta Vetullngrysurin. Sa
herë që i sillte Hlapitit bukë të ngrohtë, gjithmonë e fshihte nën
futën e saj, me qëllim që të mos e shihte ustai, sepse zotëria e tij na
e kish urdhëruar që Hlapitit t’i lihej vetëm buka e keqe dhe e vjetër,

mirëpo zonja e dinte se atij i pëlqente ta hante bukën të ngrohtë dhe
të butë.
Hlapiti kishte vetëm një palë pantallona të bëra copë-copë, ngaqë
i kish mbajtur gjatë dhe një palë të tjera, të cilat zonja na i kishte bërë
prej një cohe të gjelbër. Këtë cohë, ajo e pati marrë nga një përparëse
e vjetër e ustait, pasi ky vetë e kishte urdhëruar të shoqen t’i bënte
Hlapitit një palë pantallona. Kur i vishte këto pantallona, shegertit të
vogël i dukeshin këmbët si ato të një bretkose të gjelbër, ndaj dhe nuk
i mbante me qejf, sepse shegertët e tjerë talleshin vazhdimisht me të.

Usta Vetullngrysuri e kish urdhëruar t’i vishte vetëm të dielave. Kur
kuptoi se nuk kishte rrugë tjetër, se duhej t’i vishte ato pantallona,
Hlapiti filloi të zbavitej edhe vetë me to. Sa herë që vishte pantallonat
e gjelbra, bënte “kuak-kuak” mu si një bretkosë.
Kur shegertët e tjerë panë se Hlapiti po zbavitej dhe vetë, nuk u
tallën më. Ata filluan të luanin me të edhe të dielave, madje nisën ta
donin më shumë. Vetëm se usta Vetullngrysuri nuk donte ta shihte
me sy Hlapitin kur luante, ndaj menjëherë e thërriste në shtëpi.
Kjo ishte jeta e Hlapitit tek usta Vetullngrysuri dhe, deri atëherë,
nuk dukej aspak e bukur. Kushedi për sa kohë do të qëndronte
Hlapiti atje, nëse nuk do t’i kishte ndodhur diçka që do t’i dukej e

padurueshme.

6