Page 10 - Aventurat e pazakonta të shegertit të vogël

Aventurat e pazakonta të shegertit të vogël

me sa kishte në kokë: “Çizmet do të digjen, por ti more përtac, do
t’i paguash shtrenjtë ato”. Kjo do të thoshte se Hlapiti do të hante
sërish dajak për çizmet.
Atë natë, kur shkoi për të fjetur, Hlapiti nuk fishkëlleu dhe as
këndoi, por filloi të bluante diçka me veten.
Ai flinte në dyshemenë e kuzhinës, pranë sobës. Shtrihej mbi një
dyshek kashte, mbulohej me një batanije të rreckosur dhe për dritë
përdorte një copë qiriri të ngecur në një patate, sepse nuk kishte

shandan.
Hlapiti u shtri pastaj në “shtratin” e
vet, fiku qiririn, që ishte tretur deri afër
cipës së patates, dhe zuri të mendonte.
Mendoi e mendoi aq shumë, derisa
në fund vendosi të arratisej nga usta
Vetullngrysuri dhe të shkonte larg, që
ai të mos e gjente më kurrë. Ndonëse
nuk ishte dhe aq e lehtë, madje dukej

e rrezikshme, Hlapiti vendosi
të ikte. Një shegert, çfarëdo
që t’i shkojë në mendje
të bëjë, mund t’ia dalë
mbanë.

8