Page 14 - Pas xhamit të dyfishtë

12 Pas xhamit të dyfishtë

kohë më parë, në një stil danez, që asokohe mbahej
si avangardë. Një linjë aerodinamike që kishte lënë
gojëhapur botën e vjetër. Që kërcënonte vlerat e krishtera
dhe sistemin shoqëror. Kurse tani asi gjërash njerëzia i
qëmtonte ethshëm në plaçkat e plakushëve si puna e saj.

Është e domosdoshme ta organizosh pleqërinë sa e ke
mendjen qiqër.

Limon thonjtë, fillimisht të dorës së djathtë, pastaj të së
majtës

Interesohet për ecurinë e gjërave në botë, zemra ia do
që të rinjtë të mos cenohen dhe ta shijojnë atë sadopak. I
duket se më në fund e ka zhvoshkur thelbin nga kotësitë
e panevojshme dhe është e gatshme t’u vijë në ndihmë

brezave të rinj, por tashmë kush mund ta çmonte urtësinë
bajate të një plake si ajo? Pasi gjendet pikëvështrimi i
duhur, ja tek zhvendosen pikat e referimit. Koha e do që
ujërat të rrjedhin, do që e zakonshmja të bëhet përherë
e re.

Sot është e diel, ka ritin e supës së drekës me të bijtë

dhe me fëmijët e tyre. Më të vegjëlve u tregonte histori,
tani janë rritur dhe e kanë humbur interesin. Dhe
kështu njohu më picirrukët. Dëgjonin të magjepsur