Page 15 - Aventurat e pazakonta të shegertit të vogël

DITA E PARË E RRUGËTIMIT

I

Shitësi i vogël i qumështit

Tani Hlapiti ishte goxha larg shtëpisë dhe, ashtu në errësirë, ecte
nëpër rrugët shumë të gjata të qytetit, sepse ky ishte vërtet i madh.

Ai eci e eci aq shumë, saqë vështirë se usta Vetullngrysuri do të mund
ta gjente më.
Pak e nga pak po agonte. Tani në rrugë nuk ishte dhe aq errësirë.
Aty në dalje të qytetit, Hlapiti hasi një burrë të moshuar me një
karrocë të vogël që e tërhiqte një kërriç dhe me të cilën shpërndante
6
bidonët e qumështit nëpër lagje.
Karroca dhe kërriçi dukeshin shumë mirë, ndërsa plaku i gjorë
ishte i dobët dhe i kërrusur. Ai e mbajti karrocën para një shtëpie
trekatëshe, e cila ishte aq e lartë, saqë në shumë prej dritareve të saj
pasqyrohej ende hëna.
Si e ndali karrocën, plaku mori një bidon të mbushur plot me

qumësht dhe bëri të ngjiste shkallët e shtëpisë. Mirëpo, duke qenë se
ishte shumë i drobitur, sa hodhi këmbën te shkalla e parë, për pak sa
nuk u rrëzua. Zuri të rënkonte dhe u ul mu aty, para shtëpisë.

6 I vogli i gomarit.

13